چین میں ڈرائیور نے گاڑی پیدل سڑ ک کراس کرنیوالوں پر چڑھا دی ،5ہلاک 13زخمی

بیجنگ (پاک ترک نیوز) چین کے صوبے گوانگ ڈونگ کے شہر گوانگزو میں ڈرائیور نے گاڑی پیدل سڑک کراس کرنیوالے پر چڑھا دی ۔ حادثے میں 5افراد ہلاک جبکہ 13زخمی ہو گئے ۔
مقامی میڈیا کی خبر کے مطابق گوانگزو شہر میں مصروف پیدل چلنے والوں کے کراسنگ پر ڈرائیور نے کار لوگوں پر چڑھ دی اور گاڑی کو بھگا کر لے گیا ۔ حادثے کے نتیجے میں 5افراد جان کی بازی ہار گئے جبکہ 13زخمی ہوئے ہیں ۔ ہلاک اور زخمی ہونیوالوں کو ہسپتال منتقل کردیا گیا ہے ۔پولیس حکام کا کہنا ہے کہ ڈرائیور ایک 22سالہ شخص ہے جسے حراست میں لے لیا گیا ہے ۔
چین کے سرکاری میڈیا گلوبل ٹائمز نے بتایا کہ جنوبی چین کے صوبہ گوانگ ڈونگ میں بدھ کو پیش آنے والے ہولناک واقعے کے بعد پولیس نے 22 سالہ نوجوان کو حراست میں لے لیا۔