جنوبی افریقہ ،رہائشی عمارت میں آتشزدگی سے 63افراد جھلس کر ہلاک

جوہانسبرگ(پاک ترک نیوز) جنوبی افریقہ کے دارالحکومت جوہانسبرگ میں 5 منزلہ رہائشی عمارت میں خوفناک آتشزدگی سے 63 افراد بری طرح جھلس کر ہلاک جبکہ 40 کے قریب شدید زخمی ہوگئے ۔
جنوبی افریقہ کے شہر جوہانسبرگ کی رہائشی عمارت میں آگ رات گئے لگی جب رہائشی سو رہے تھے۔ آگ نے دیکھتے ہی دیکھتے پوری عمارت کو اپنی لپیٹ میں لے لیا۔فائر بریگیڈ کے عملے نے دو گھنٹے کی مسلسل محنت کے بعد عمارت میں لگی آگ پر قابو پا لیا تاہم اس دوران 100 سے زائد افراد جھلس گئے تھے جن میں سے 63 کی موت کی تصدیق کردی گئی جب 40 کے لگ بھگ زخمی ہیں۔
کچھ لوگوں نے کھڑکیوں اور بالکونیوں سے چھلانگیں لگا کر اپنی زندگیاں بچانے کی کوشش کی۔ کئی افراد کی ہڈیاں ٹوٹ گئیں۔
پولیس کا کہنا ہے کہ عمارت میں آگ لگنے کی وجہ کا تاحال تعین نہیں ہوسکا ہے۔ تحقیقات کے لیے انکوائری کمیٹی تشکیل دیدی گئی۔