ترکیہ میں زرمبادلہ کے محفوظ لیرا ذخائر کے لازمی ریزرو تناسب میں اضافہ متعارف

انقرہ (پاک ترک نیوز)
جمہوریہ ترکیہ کے مرکزی بینک نے چھ ماہ تک کی پختگی کے ساتھ زرمبادلہ کے محفوظ لیرا ذخائر کے لازمی ریزرو تناسب میں اضافہ متعارف کرایا ہے۔
ملک کے مرکزی بینک (سی بی آر ٹی) نے زرمبادلہ کے محفوظ ڈپازٹس کے لیے لازمی ریزرو ریشو کو بڑھا دیا ہے۔ جسے کےکے ایم بھی کہا جاتا ہے ۔ اب یہ شرح 15فیصدسے بڑھا کر 25فیصد کر دی گئی ہے۔ جس کا مقصد 2021 میں متعارف کرائی گئی لیرا پروٹیکشن اسکیم کو بتدریج ختم کرنا ہے۔
نئےجاری کردہ ضابطے کے مطابق ایک سال تک کی میچورٹی مدت کے ساتھ اور ایک سال سے زیادہ کے ڈپازٹس کے لیے لازمی ریزرو تناسب 5فیصد پر قائم ہے۔توقع ہے کہ اس اقدام سے مارکیٹ میں ترک لیرا کی اضافی لیکویڈیٹی کو مطلوبہ ریزرو تناسب میں اضافہ کرکے واپس لینے کی حوصلہ افزائی ہوگی۔مرکزی بنک نےجولائی میں زرمبادلہ سے محفوظ لیرا کے تمام ذخائر کے لیے 15فیصد مطلوبہ ذخائر متعارف کرائے تھے۔اور اگست کے آخر میں حکومت کی حمایت یافتہ اسکیم کو واپس کرنا شروع کیا تھا۔جو ترک لیرا کے ذخائر کو غیر ملکی کرنسی کی قدر میں کمی کے خلاف تحفظ فراہم کرتی ہے۔ یہ اقدام شرح سود میں اضافے کیحکمت عملیکے بعد مزید روایتی پالیسیوں کی طرف ایک اور قدم ہے۔