پی ایس ایل 9میں اسلام آباد یونائیٹڈ اورکراچی کنگز مد مقابل
راولپنڈی(پاک ترک نیوز) پاکستان سپر لیگ (پی ایس ایل) سیزن 9 میں اسلام آباد یونائیٹڈ اور کراچی کنگز مد مقابل آئیں گے ۔
تفصیلات کے مطابق راولپنڈی کرکٹ سٹیڈیم میں کراچی کنگز اور اسلام آباد یونائیٹڈ کی ٹیمیں آمنے سامنے ہوں گی، میچ شام 7 بجے شروع ہو گا۔
یاد رہے کہ اسلام آباد یونائیٹڈ نے ایونٹ میں اب تک 8 میچ کھیل کر3 میں کامیابی حاصل کی اورچار میں اسے ناکامی کا سامنا کرنا پڑا جبکہ کراچی کی ٹیم7 میچ کھیل کر3 میں کامیاب رہی اورچار میں اسے شکست کا منہ دیکھنا پڑا ہے۔
اسلام آباد یونائیٹڈ پوائنٹس ٹیبل پر چوتھے جبکہ کراچی کنگز پانچویں نمبر پر موجود ہے۔ملتان سلطانز کا پوائنٹس ٹیبل پر پہلا جبکہ کوئٹہ گلیڈی ایٹرز کا دوسرا نمبر ہے ۔پشاور زلمی 9پوائنٹس کے ساتھ تیسرے نمبر پر موجود ہے ۔