جیکب آباد ،مبینہ پولیس مقابلہ میں 6اہلکار شہید، 3 زخمی

جیکب آباد(پاک ترک نیوز) صوبہ سندھ کے شہر جیکب آباد کے علاقے تھانہ مولا داد کی حدود میں مبینہ پولیس مقابلے میں 6 اہلکار شہید ہوگئےجبکہ تین اہلکار زخمی بھی ہیں ۔
ضلع جیکب آباد کے تھانہ مولاداد کی حدود میں مبینہ پولیس مقابلے میں 6 پولیس اہلکار شہید اور 3 اہلکار زخمی ہوگئے۔
ایس ایس پی سمیر چنا کے مطابق بلوچستان پولیس نے ڈاکوؤں کا تعاقب کیا تو ڈاکو فرار ہو کر جیکب آباد کی حدود میں داخل ہو گئے اور انہوں نے ڈیوٹی پر تعینات پولیس اہلکاروں پر فائرنگ کردی جس کے نتیجے میں 3اہلکار موقع پر ہی شہید ہو گئے جبکہ 3 اہلکاروں نے ہسپتال میں علاج کے دوران دم توڑ دیا۔
ایس ایس پی نے بتایا کہ شہید ہونے والے اہلکاروں میں انسپکٹر طیب عمرانی، نثار، خادم حسین، ریاض حسین اور وہاب شامل ہیں۔