جاپان کی چاند گاڑی بھی چاند کے مدار میں داخل ہو گئی

ٹوکیو(پاک ترک نیوز)
جاپان کی خلائی تحقیق کے لئےبھیجی جانے والی گاڑی سمارٹ لینڈر فار انویسٹی گیٹنگ مون (سلم) جسے مون سنائپر کا نام دیا گیا ہے چاند کے مدار میں داخل ہوگئی ہے۔ یہ ملک کی چاند پر پہلی کامیاب لینڈنگ کی طرف ایک اہم قدم ہوگا جس کی تکمیل اگلے ماہ متوقع ہے۔
جاپان کے خلائی تحقیق کے ادارے جاپان ایرو اسپیس ایکسپلوریشن ایجنسی(جے اے ایکس اے)کی رپورٹ کے مطابق جاپانیسمارٹ لینڈرکو مون سنائپر کا نام اس لئے دیا گیا ہے کیونکہ اسے چاند کی سطح پر مخصوص ہدف کے 100 میٹرکے اندر اترنے کے لیے ڈیزائن کیا گیا ہے۔اگر ٹچ ڈاؤن کامیاب ہو جاتا ہے تو جاپان امریکہ، روس، چین اور بھارت کے بعد چاند پر کامیابی سے تحقیقات کرنے والا پانچواں ملک بن جائے گا۔
جاپان ایرو اسپیس ایکسپلوریشن ایجنسی (JAXA) نےگذشتہ شام کو جاری کردہ ایک بیان میں کہا ہے کہ مون سنائپر جاپان کے وقت کے مطابق شام 4:51 پر کامیابی سے چاند کے مدار میں داخل ہوا۔ ایجنسی نے کہا ہےکہ سلم کی رفتار کی تبدیلی اصل میں منصوبہ بندی کے مطابق حاصل کی گئی تھی۔ اور تحقیقات کے حالات کے بارے میں کچھ بھی معمول سے ہٹ کر نہیں ہے۔
مزید براں سمارٹ لینڈر اپنے طے شدہ شیڈول کے مطابق چاند پر 20 جنوری کو جاپان کے وقت کے مطابق صبح 12 بجے کے قریب لینڈنگ کا آغاز کرے گا ۔ جبکہ ٹچ ڈاؤن میں 20منت کا وقت لگے گا۔
یاد رہے کہ ، خراب موسم کی وجہ سے تین بار التوا کے بعدایچ II۔اےراکٹ ستمبر میں جنوبی جزیرے تانیگاشیما سے لینڈر لے کر روانہ ہواتھا۔