کراچی کنگز اور ملتان سلطانز آج مد مقابل

ملتان (پاک ترک نیوز) پاکستان سپر لیگ (پی ایس ایل )8میں آج ملتان سلطانز کا مقابلہ کراچی کنگز سے ہوگا ۔
تفصیلات کے مطابق پی ایس ایل 8کے 11ویں میچ میں کراچی کنگز اور ملتان سلطانز آج آمنے سامنے آئیں گے ۔ پاکستانی وقت کے مطابق یہ میچ شام 6بجے شروع ہو گا۔
گزشتہ روز کھیلے گئے میچ میں لاہور قلندرز نے کوئٹہ گلیڈی ایٹرز کو شکست سے دوچار کیا تھا ۔
کوئٹہ گلیڈی ایٹرز نے ٹاس جیت کر پہلے فیلڈنگ کا فیصلہ کیا ۔ لاہور قلندرز نے مقررہ بیس اوورز میں 6وکٹوں کے نقصان پر 198رنز بنائے تھے ۔شائی ہوپ نے 47جبکہ سکندر رضا نے ناٹ آئوٹ 32رنز بنائے ۔
کوئٹہ کی جانب سے سمتھ اورقیس نے دو دو کھلاڑیوں کو آئوٹ کیا ۔
کوئٹہ گلیڈی ایٹرز 199رنز کے ہدف کے تعاقب میں مقررہ بیس اوورز میں 8وکٹوں کے نقصان پر 135رنز بنا سکی ۔جیسن روئے نے 48اور حفیظ نے 25رنز سکور کئے ۔
گلیڈی ایٹرز ایونٹ میں ابھی تک ایک میچ جیت سکی ہے جبکہ تین میچز میں اسے شکست کا سامنا کرنا پڑا ہے۔