اسلامی سال 1444ہجری کا آخری جمعہ حرمن شریفین میں لاکھوں افراد کی شرکت
مکہ مکرمہ (پاک ترک نیوز) اسلامی سال 1444ہجری کے آخری جمعہ میں حرمین شریفین مسجد الحرام اور مسجد نبوی ﷺ میں حجاج سمیت لاکھوں فرزندان توحید نے نماز جمعہ ادا کی ۔
حرمین شریفین انتظامیہ کے ترجمان ھانی حیدر نے بیان میں کہا کہ 1444 ہجری کے آخری جمعہ کیلئے سیکورٹی سمیت خصوصی انتظامات کیے گئے تھے۔ آنے جانے کے دروازے نمازیوں کے لیے کھول دئیے گئے تھے اور الیکٹرانک زینوں سے نمازیوں کو مختلف منزلوں تک پہنچانے کے لیے انتظام کیا گیا تھا۔ اس موقع پر مسجد الحرام کی تمام منزلیں نمازیوں سے بھر گئی تھیں۔
نمازیوں کو آلودگی سے محفوظ رکھنے کے لیے 11 اسمارٹ روبوٹس نے جراثیم کش دواؤں کا چھڑکاؤ کیا جبکہ موسم خوشگوار رکھنے کے لیے پانی کی پھوار کا بھی بندوبست کیا گیا تھا۔
اسلام سال ہجری کی آخری نماز جمعہ کی ادائیگی کے لیے نمازی صبح سویرے سے حرمین شریفین پہنچنا شروع ہوگئے تھے۔ مسجد نبوی کے صحن سمیت اطراف کی سڑکیں اور تجارتی مراکز کی راہداریاں بھی نمازیوں سے بھر گئی تھیں۔