میکسویل کے ہاتھوں کئی ریکارڈ پاش پاش
لاہور(پاک ترک نیوز) آئی سی سی ورلڈ کپ 2023میں افغانستان کیخلاف آسٹریلوی ٹیم کو فتح سے ہمکنار کرنیوالے کلین میکسویل کے ہاتھوں کئی ریکارڈ پاش پاش ہو گئے ۔
تفیلات کے مطابق ورلڈ کپ 2023 میں 201 رنز کی افغانستان کے خلاف ناقابل شکست اننگز کھیلنے والے آسٹریلوی آل راؤنڈر گلین میکسویل نے کئی ریکارڈز اپنے نام کر لیے۔آسٹریلیا نے افغانستان کو 3 وکٹوں سے شکست دے کر سیمی فائنل کے لیے کوالیفائی کر لیا۔
میکسویل ہیمسٹرنگ انجری کے باوجود بیٹنگ کرتے رہے اور ورلڈ کپ کی تاریخ کی سب سے بڑی اننگز کھیل گئے۔ گلین میکسویل پہلے کرکٹر ہیں جنہوں نے ہدف کا تعاقب کرتے ہوئے ڈبل سنچری اسکور کی۔ وہ ورلڈ کپ میں 201 رنز بنانے والے پہلے آسٹریلوی بیٹر بھی ہیں۔
گلین میکسویل پہلے بیٹر ہیں جنہوں نے مڈل آرڈر میں بیٹنگ کرتے ہوئے ڈبل سنچری اسکور کی اور وہ پہلے بلے باز ہیں جنہوں نے ورلڈ کپ میں تیز ترین ڈبل سنچری اسکور کی۔ میکسویل پہلے بیٹسمین ہیں جنہوں نے پانچویں نمبر پر بیٹنگ کرتے ہوئے یہ کارنامہ سرانجام دیا۔
پیٹ کمنز اور میکسویل نے آٹھویں وکٹ کی شراکت میں 202 کی پارٹنر شپ کی۔آسٹریلیوی کپتان پیٹ کمنز نے 68 گیندوں پر 12 رنز بنائے اور آخر وقت تک میکسویل کا ساتھ دیا۔
گلین میکسویل نے 201 رنز کی ناقابل شکست اننگز کھیل کر کئی ریکارڈز اپنے نام کر لیے۔ وہ ایک روزہ بین الاقوامی میچ میں ڈبل سنچری اسکور کرنے والے پہلے آسٹریلوی بلے باز بن گئے۔