ناسا نے چین کے چاند مشن کی تصاویر حاصل کر لیں
نیویارک (پاک ترک نیوز)
ناسا کےچاند کے گرد گھومنے والے سیارچے (ایل آر او) نے تاریخ میں پہلی بار چاند کی الٹی طرف اترنے والے چین کے چینگ ای۔ 6 خلائی جہاز کی پہلی تصاویر زمین پر بھجوائی ہیں۔
چینگ ای۔ 6 کے لینڈر کے اترنے کی جگہ پر ملتے جلتے دو گڑھے ہیں اور یہ 165 فٹ چوڑے ہیں۔ جبکہ چینگ ای ۔6کی چاند گاڑی ایک گڑھے کے کنارے پر ہے
ناسا کے چاند کے ارد گرد گھومنے والے تیز آنکھوں والے کیمرے کے نظام کے پرنسپل تفتیش کار مارک رابنسن کی رپورٹ کے مطابق ایل آر او نے 7 جون 2024 کو چاند کے بہت دور اپولو بیسن کے اندر چینگ ای ۔ 6 کو دیکھا چینی چاند گاڑی چاند کوبھوری رنگ پر ایک چھوٹے سے سفید دھبے کے طور پر دیکھا جاتا ہے، جو بہت دور تک گڑھوںسے بھرا ہوا ہے۔
ایل آر او نے چاند کی لینڈنگ کے پانچ دن بعد چین کے چاند مشن کی تصاویر حاصل کی ہیں جس کے بعد ناسا کی ٹیم نے مائنس 41.6385 ڈگری شمالی عرض البلد اور 206.0148 ڈگری مشرقی طول البلد کے طور پر لینڈنگ سائٹ کوآرڈینیٹس کا حساب لگایا ہے جو کہ مائنس 17,244 فٹ (مائنس 5,256 میٹر) بلندی پر ہے۔
لینڈر کے ارد گرد کے علاقے کی چمک میں اضافہ لینڈر کے انجن کی وجہ سے ہے اور یہ دوسرے قمری لینڈرز کے ارد گرد نظر آنے والے بلاسٹ زون سے ملتا جلتا ہے۔