نواز شریف کی وطن واپسی کے سفر کا آج سے آغاز عمرہ ادائیگی کیلئے سعودی عرب جائیں گے

لندن(پاک ترک نیوز) سابق وزیراعظم اور پاکستان مسلم لیگ ن کے قائد میاں نواز شریف کی وطن واپسی کے سفر کا آج سے آغاز ہو گا ،پہلے مرحلے میں عمرہ کی ادائیگی کیلئے آج لندن سے سعودی عرب جائیں گے۔
سابق وزیراعظم سعودی عرب کا دورہ مکمل کر کے 17 یا18 اکتوبر کو دبئی پہنچیں گے، قائد مسلم لیگ ن دبئی میں 3 دن قیام کے دوران متعدد ملاقاتیں بھی کریں گے۔
نواز شریف کی 21 اکتوبر کو دبئی سے پاکستان روانگی کیلئے خصوصی طیارہ بھی بک کرا لیا گیا ہے، قائد ن لیگ کی واپسی کیلئے خصوصی پرواز کو "امید پاکستان” کا نام دیا جائے گا۔
نواز شریف کے ہمراہ طیارے میں پارٹی کارکن اور صحافی بھی ہوں گے، خصوصی پرواز دبئی سے اسلام آباد پہنچ کر آدھے گھنٹے بعد لاہور کیلئے اڑان بھرے گی، قائد مسلم لیگ ن نواز شرفی لاہور پہنچ کر مینار پاکستان پر جلسے سے خطاب کریں گے۔