پی ایس ایل8 کیلئے نئی ٹرافی کی رونمائی کردی گئی
لاہور (پاک ترک نیوز) پاکستان سپر لیگ (پی ایس ایل) 8کیلئے ٹرافی کی رونمائی لاہور کے تاریخی شالامار باغ میں کردی گئی۔
ٹرافی کی رونمائی کی تقریب میں پاکستان کرکٹ بورڈ (پی سی بی) مینجمنٹ کمیٹی کے سربراہ نجم سیٹھی، فرنچائز مالکان اور اعلیٰ عہدداران شریک تھے۔
25 قیراط سونے کے استعمال کے ساتھ نئی ٹرافی پہلے سے زیادہ دیدہ زیب تیار کی گئی ہے جبکہ سیزن سیون میں استعمال کی گئی ٹرافی دوبارہ نہیں پیش کی جائے گی اور یہ دفاعی چیمپئن لاہور قلندر کے پاس ہی رہے گی۔
یاد رہے کہ میگا ایونٹ کا آغاز 13 فروری سے ملتان میں ہوگا جبکہ 19 مارچ کو ایونٹ کا فائنل کھیلا جائے گا۔