شمالی کوریا نے جنوبی کوریا کے دو جزیروں پر 200سے زائد گولے داغ دیئے

پیانگ یانگ (پاک ترک نیوز) شمالی کوریا نے جنوبی کوریا کے دو جزیروں پر 200سے زائد گولے داغ دیئے ۔
تفصیلات کےمطابق جنوبی کوریا کی جانب سے دعوی کیا گیا ہے کہ شمالی کوریا نے کشیدہ سمندری سرحد کے قریب دو جزیروں کی طرف سمندر میں توپ خانے کے 200 سے زائد گولے فائر کیے ہیں، جسے سیئول نے "اشتعال انگیزی” قرار دیا ہے کیونکہ اس نے براہ راست فائر ڈرلز کے ساتھ جواب دیا۔
جنوبی کوریا کے جوائنٹ چیفس آف سٹاف کے ترجمان لی سنگ جون کا کہنا ہے کہ پیانگ یانگ کی جانی سے فائر کئے گئے گولوں سے کوئی نقصان نہیں ہوا، انہوں نے مزید کہا کہ تمام گولے سمندر کی سرحد کے شمالی جانب گرے۔
جنوبی کوریا کے دو دور دراز جزیروں Yeonpyeong اور Baengnyeong کے رہائشیوں کو جنوبی کوریا کی فوج کی ہدایت پر خالی کرالیا گیا ۔
جنوبی کوریا کے وزیر دفاع شن وون سیک نے فائرنگ کی مشقوں کی نگرانی کرتے ہوئے کہا کہ یہ اشتعال انگیزی کی کارروائی ہے جس سے کشیدگی میں اضافہ ہوتا ہے اور جزیرہ نما کوریا میں امن کو خطرہ ہے۔