نصرت فتح علی خان انسانی تاریخ کے 200بہترین گلوکاروں میں شامل
لاہور(پاک ترک نیوز) پاکستان کے لیجنڈ گلوکار استاد نصرت فتح علی خان انسانی تاریخ کے 200عظیم ترین گلوکاروں میں شامل کرلیا گیا ۔
معروف امریکی جریدے رولنگ اسٹون نے استاد نصرت فتح علی خان کا تعارف کراتے ہوئے انہیں ’شہنشاہ قوالی‘ کا لقب دیا ہے۔
امریکی جریدے میں تاریخ انسانی کے دو سو بہترین گلوکاروں کی فہرست مرتب کی ہے جس میں پاکستان کے نصرت فتح علی خان اور بھارت سے لتا منگیشگر شامل ہیں۔امریکی جریدے کے مطابق نصرت فتح علی خان کے مشہور مداحوں میں شہرہ آفاق گلوکارہ میڈونا بھی شامل تھیں جبکہ ایڈی ویڈر نے ’ڈیڈ مین واکنگ‘ کو ان کے ساتھ مل کر گایا۔
نصرت فتح علی خان نے اپنی بے مثل گائیکی سے پوری دنیا میں لوگوں کے دل جیتے اور خصوصی طور پر اسی کی دہائی میں پیٹر گیبریئل کیئے ’ریئل ورلڈ لیبل‘ کیلئے ان کی ریکارڈنگ اور پرفارمنس نے لوگوں کو بہت متاثر کیا۔