اردوان کی دعوت پر روسی صدر پیوٹن جلد ترکیہ کا دورہ کریں گے

انقرہ (پاک ترک نیوز) روس کے صدر ولادیمیر پوٹن صدر رجب طیب اردوان کی دعوت پر ترکیہ کا دورہ کریں گے۔
پیوٹن کے مشیر یوری اوشاکوف نے کہاکہ ترک صدر نے ہمارے صدر کو ترکیہ کے دورے کی دعوت دی ہے۔ان کا کہنا تھا کہ اس حوالے سے بات چیت جاری ہے لیکن ابھی تک تاریخ کا تعین نہیں کیا گیا کہ یہ دورہ کب ہو گا۔
ترکیہ ان چند ممالک میں شامل ہے جنہوں نے اپنے جنوبی پڑوسی پر ماسکو کے حملے کے بعد سے روس اور یوکرین دونوں کے ساتھ تعلقات برقرار رکھے ہیں۔