پاک افغان تیسرا ون ڈے آج ،شاہین کلین سوئپ کیلئے بےتاب

کولمبو (پاک ترک نیوز) پاکستان اور افغانستان کے درمیان جاری تین میچوں پر مشتمل سیریز کا تیسرا اور آخری ایک روزہ میچ آج کولمبو میں کھیلا جائے گا ۔ شاہین کلین سوئپ کیلئے بےتاب ہیں ۔
تین میچوں کی سیریز میں پاکستان کو 0-2 کی فیصلہ کُن برتری حاصل ہے۔تینوں میچز کی میزبانی افغان بورڈ سری لنکا میں کررہا ہے۔
دونوں ٹیمیں ایشیاکپ اور ورلڈکپ جیسے میگا ایونٹس کی تیاریوں کے سلسلے میں سیریز کھیل رہی ہیں۔
سیریز کے پہلے میچ میں پاکستان نے افغانستان کو 142رنز کے بڑے مارجن سے شکست دی تھی جبکہ دوسرے ون ڈے میچ میں پاکستان نے سنسنی خیز مقابلے کے بعد ایک وکٹ سے کامیابی حاصل کی تھی ۔