پاک انگلینڈ پہلا ٹی ٹونٹی میچ کل ،بارش سے میچ متاثر ہونے کا امکان

لیڈز (پاک ترک نیوز) پاکستان اور انگلینڈ کے درمیان چار میچوں پر مشتمل سیریز کا پہلا میچ کل کھیلا جائے گا ۔ میچ کے دوران بارش کا بھی امکان ہے ۔
برطانوی محکمہ موسمیات کی رپورٹ کے مطابق لیڈز میں بارش کا 60 فیصد امکان ہے،دوپہر کو شروع ہونے والی بارش وقفے وقفے سے رات 12بجے تک جاری رہ سکتی ہے۔
درجہ حرارت 13سے 16 ڈگری تک رہے گا، ہوا میں نمی کا تناسب 92تک ہونے کی وجہ سے بولرز اور فیلڈرز کو گیند تھامنے میں دشواری کا سامنا کرنا پڑے گا،پچ میں نمی بیٹرز کیلیے مشکلات کا سبب بنے گی۔
واضح رہے کہ چار میچوں کی سیریز کا دوسرا میچ 25مئی کو برمنگھم ،تیسرا 28مئی کو کارڈف جبکہ سیریز کا چوتھا اور آخری میچ 30مئی کو اوول میں کھیلا جائے گا۔