پاک نیوزی لینڈ تیسرا ٹی ٹونٹی آج شاہین سیریزاپنے نام کرنے کیلئے پرعزم

لاہور (پاک ترک نیوز ) پاکستان اور نیوزی لینڈ کے درمیان پانچ میچوں پر مشتمل سیریز کا تیسرا ٹی ٹوئنٹی میچ آج کھیلا جائے گا۔
شاہین سیریز اپنے نام کرنے کیلئے پرعزم ہیں جبکہ کیوی ٹیم بھی سیریز میں رہنے کیلئے جان لڑائے گی ۔پاکستانی وقت کے مطابق میچ رات 9بجے شروع ہو گا ۔
دونوں ٹیموں نے تیسرے میچ کی منصوبہ بندی پر نظریں مرکوز کیں جبکہ پلیئنگ الیون کے حوالے سے بھی حکمت عملی طے کر لی گئی۔
یاد رہے کہ قومی ٹیم کو پانچ میچوں کی سیریز میں دو ، صفر کی برتری حاصل ہے۔
پانچ میچوں پر مشتمل سیریز کے پہلے میچ میں قومی ٹیم نے کیویز کو 88 رنز سے شکست دی تھی جبکہ دوسرے میچ میں 38 رنز سے کامیابی سمیٹی تھی۔