پاکستانی ہاکی ٹیم پیرس اولمپک کوالیفائر کے سیمی فائنل میں پہنچ گئی

لاہور: (دنیا نیوز) پاکستان کی ہاکی ٹیم ملائیشیا کے ساتھ مقابلہ برابر ہونے کے باوجود پیرس اولمپک کوالیفائر کے سیمی فائنل میں پہنچ گئی ہے۔
پیرس اولمپکس ہاکی کوالیفائرز مقابلے اومان کے دارالحکومت مسقط میں جاری ہیں جہاں آخری پول میچ میں پاکستان اور ملائیشیا کا مقابلہ تین تین گول سے برابر رہا، پاکستان کی جانب سے سفیان، عماد بٹ اور رانا وحید جبکہ ملائشیا کی طرف سے صاری فطری، ابوکمال اور فرحان اشعری نے گول کیے۔
پاکستان کے گول کیپر عبداللہ اشتیاق نے بہترین کھیل پیش کرتے ہوئے ایک پنالٹی سٹروک روکنے کے ساتھ کئی یقینی گول بھی بچائے، پاکستان نے اپنے گروپ میں 4 پوائنٹس کے ساتھ دوسری پوزیشن پاکر سیمی فائنل تک رسائی پا لی ہے، برطانیہ گروپ میں پہلے نمبر پر رہا۔
سیمی فائنل آج بروز جمعتہ المبارک 20 جنوری کو پاکستانی وقت کے مطابق رات ساڑھے 9 بجے کھیلا جائے گا جس میں پاکستان کا سامنا جرمنی سے ہو گا۔