پاکستان آئندہ برس 4میچوں پر مشتمل ٹی ٹونٹی سیریز کھیلنے انگلینڈ جائے گا
لندن (پاک ترک نیوز) انگلینڈ اینڈ ویلز کرکٹ بورڈ (ای سی بی) نے قومی ٹیم کے دورہ انگلینڈ کے دوران پاکستان کے خلاف اپنی سیریز کے شیڈول کا اعلان کر دیا ہے جس میں اگلے سال مئی میں چار میچوں کی ٹی ٹوئنٹی سیریز ہو گی۔
شیڈول کے مطابق چار میچوں پر مشتمل سیریز کا پہلا ٹی ٹونٹی میچ 22مئی کو لیڈز ،دوسرا ٹی ٹونٹی میچ 25مئی کوبرمنگھم،سیریز کا تیسرا میچ 28مئی کو کارڈف اور سیریز کا چوتھا اور آخری میچ 30مئی کو اوول میں کھیلا جائے گا ۔
دونوں ٹیموں کا آخری بار ٹی ٹوئنٹی سیریز میں آمنا سامنا 2022 میں ہوا تھا جب انگلینڈ نے پاکستانی سرزمین پر سات میچوں کی سیریز 4-3 سے جیتی تھی۔
پاکستان نے آخری بار 2021 میں انگلینڈ میں T20I سیریز کھیلی تھی جب اسے تین میچوں کی سیریز میں 2-1 سے شکست کا سامنا کرنا پڑا تھا۔