پاکستان سپر لیگ 8، کراچی کنگز اوراسلام یونائیٹڈ آج مد مقابل

کراچی (پاک ترک نیوز) پاکستان سپر لیگ (پی ایس ایل )8میں کراچی کنگز کو اسلام آباد یونائیٹڈ کا چیلنج درپیش ہے۔پاکستان وقت کے مطابق یہ میچ 7بجے کھیلا جائے گا۔
تفصیلات کے مطابق پی ایس ایل کے آغاز کے ساتھ ہی شائقین کا جوش و خروش بھی دیدنی ہو گیا ہے ۔ آج کراچی کا جوڑ اسلام آباد یونائیٹڈ سے پڑے گا ۔
اس سے قبل گزشتہ روز کھیلے گئے میچ میں ملتان سلطانز نے ٹاس جیت کر پہلے فیلڈنگ کا فیصلہ کیا ۔ کوئٹہ گلیڈی ایٹرز 18.5اوورز میں 110رنز بنا کر پویلین لوٹ گئی۔
ملتان کی جانب سے احسان اللہ نے 5جبکہ ثمین گل اور عباس آفریدی نے دودو کھلاڑیوں کو آئوٹ کیا ۔
ملتان سلطانز نے 111رنز کا ہدف صرف ایک وکٹ کے نقصان پر حاصل کرلیا ۔روئیلی روسو نے 78جبکہ کپتان محمد رضوان نے 28رنز کی اننگز کھیلی ۔کوئٹہ کی جانب سے تھشارا نے واحد وکٹ حاصل کی۔