پرویز الہیٰ دل کی تکلیف کے باعث اڈیالہ جیل سے ہسپتال منتقل
راولپنڈی(پاک ترک نیوز) سابق وزیراعلیٰ پنجاب چودھری پرویز الہٰی کو دل کی تکلیف کے باعث ہسپتال منتقل کردیا گیا۔
اڈیالہ جیل کے حکام کے مطابق سابق وزیراعلی پنجاب چودھری پرویز الہیٰ کا جیل اسپتال میں معائنہ کیا گیا۔ دل کی تکلیف کے باعث چودھری پرویز الہٰی کو راولپنڈی انسٹیوٹ آف کارڈیالوجی منتقل کردیا گیا۔
جیل حکام کا کہنا ہے چودھری پرویز الہٰی نے گزشتہ رات سے دل میں تکلیف کی شکایت کی تھی۔ ان کے سینے میں بھی انفیکشن ہوا ہے۔