وزیراعظم کا شہید ذوالفقار علی بھٹو کو ان کی 45 ویں برسی پر خراج عقیدت

اسلام آباد (پاک ترک نیوز) وزیراعظم محمد شہباز شریف نے شہید ذوالفقار علی بھٹو کو ان کی 45 ویں برسی پر خراج عقیدت پیش کیا ۔
وزیراعظم شہباز شریف کا کہنا ہے کہ پاکستان میں جمہوریت اور جمہوری روایات کے فروغ میں ذوالفقار علی بھٹو نے انتہائی اہم کردار ادا کیا ۔ذوالفقار علی بھٹو کی کاوشوں کی وجہ سے پاکستان کو 1973 کا آئین ملا جس پر تمام سیاسی جماعتوں نے اتفاق کیا ۔
سپریم کورٹ نے اپنے حالیہ فیصلے میں ذوالفقار علی بھٹو کی سیاسی جد وجہد کی حقیقت پر مہر ثبت کی۔پاکستان میں جمہوریت اور جمہوری روایات کے فروغ میں ان کی خدمات کو ہمیشہ یاد رکھا جائے گا ۔