پی آئی اے کی نجکاری، چینی کمپنیوں سمیت متعدد فرموں کا حصص کی خریداری اظہار دلچسپی

اسلام آباد(پاک ترک نیوز) پاکستان انٹرنیشنل ایئر لائنز کی نجکاری کیلئے چین کمپنیوں سمیت مختلف فرموں کا پی آئی اے کے حصص کی خریداری میں اظہار دلچسپی کا اظہارکیا گیا ہے ۔
جیسا کہ وزیر اعظم شہباز شریف کی زیرقیادت حکومت اپنے نجکاری کے ایجنڈے پر دباؤ ڈال رہی ہے، چینی سمیت متعدد فرموں نے پاکستان انٹرنیشنل ایئرلائنز (پی آئی اے) کے اکثریتی حصص کو حاصل کرنے کے لیے سٹیٹمنٹس آف کوالیفیکیشن (SoQs) جمع کرائے ہیں۔
حکومت نے فلائی جناح، ایئر بلیو لمیٹڈ، عارف حبیب کارپوریشن لمیٹڈ، سردار اشرف ڈی بلوچ – شانکسی سی آئی جی کمپنی لمیٹڈ (چین) اور جیریز انٹرنیشنل (پرائیویٹ) لمیٹڈ سے ایس او کیو حاصل کیے ہیں۔
دیگر کنسورشیم جنہوں نے ایس او کیو جمع کرائے ہیں ان میں ایک کی قیادت وائی بی ہولڈنگز (پرائیویٹ) لمیٹڈ، دوسرے کی سربراہی پاک ایتھانول اور تیسرا بلیو ورلڈ سٹی شامل ہے۔
تاہم، نجکاری کمیشن نے ان کنسورشیا کو بنانے والی بنیادی کمپنیوں کے نام ظاہر نہیں کیے ہیں۔
یہ پیشرفت وزیر اعظم شہباز کے اعلان کے چند دن بعد ہوئی ہے کہ حکومت اسٹریٹجک اداروں کو چھوڑ کرتمام سرکاری اداروں (SOEs) کی نجکاری کے ساتھ آگے بڑھے گی۔