پی ایس ایل 8،قلندرز اور ملتان سلطانز آمنے سامنے

لاہور(پاک ترک نیوز) پاکستان سپر لیگ سیزن 8میں لاہور قلندرز اور ملتان سلطانز میں جوڑ پڑے گا ۔
تفصیلات کے مطابق پاکستان سپر لیگ (پی ایس ایل )8کے دلچسپ مقابلے جاری ہیں ۔ لاہور کے قذافی سٹیڈیم میں قلندرز کا مقابلہ ملتان سلطانز سے ہو گا ۔پاکستانی وقت کے مطابق یہ میچ شام سات بجے کھیلا جائے گا ۔
گزشتہ روز کھیلے گئے میچ میں اسلام آباد یونائیٹڈ نے کراچی کنگز کو 6وکٹوں سے شکست دیدی تھی۔
کراچی کنگز نے ٹاس جیت کر پہلے بیٹنگ کا فیصلہ کیا ۔ابتدائی نقصانات کے بعد کپتان عماد وسیم نے ذمہ دارانہ اننگز کھیلی ۔کنگز نے مقررہ بیس اوورز میں 5وکٹوں کے نقصان پر 201رنز بنائے ۔عماد وسیم نے 92جبکہ عرفان نے 30رنز کی اننگز کھیلی ۔
اسلام آباد یونائیٹڈ نے 202رنز کا ہدف 4وکٹوں کے نقصان پر 19.2اوورز میں پورا کرلیا ۔اعظم خان نے 72رنز بنائے جبکہ فہیم اشرف نے 41رنز کی اننگز کھیلی ۔