پی ایس ایل 8ٹرافی کی رونمائی کل ہوگی

لاہور(پاک ترک نیوز) پاکستان سپر لیگ (پی ایس ایل ) 8کی ٹرافی کی رونمائی کل ہوگی ۔ نجم سیٹھی شالا مارباغ میں رونمائی کریں گے، پی ایس ایل 8 کی ٹرافی کے ڈیزائن میں تبدیلی کی گئی ہے ۔
تقریب میں 6 کپتان بھی شریک ہوں گے۔پی ایس ایل 8 کے لیے نئی دیدہ زیب ٹرافی کے سٹار کو 24 قیراط سونے سے تیارکیاگیاہے۔
سیزن سیون میں استعمال کی گئی ٹرافی دوبارہ نہیں پیش کی جائے گی اور یہ دفاعی چیمپئن لاہور قلندر کے پاس ہی رہے گی۔
پی ایس ایل 8کی افتتاحی تقریب تیرہ فروری کو ہوگی۔جبکہ 19 مارچ کو ایونٹ کا فائنل کھیلا جائے گا۔
دوسری جانب پی ایس یل 8 کیلئے کمنٹری پینل کا اعلان بھی کردیا گیا ہے۔ کمنٹری پینل میں رمیز راجہ شامل نہیں ہیں۔ سائمن ڈول، ایلن ولکنز، وقار یونس، ڈینی موریسن کمنٹری پینل کا حصہ ہیں۔ عروج ممتاز، بازید خان،ثنا میر بھی کمنٹری کی ذمہ داریاں نبھائیں گے۔