پی ایس ایل نمائشی میچ کی ٹکٹوں کی فروخت کا آغاز

کراچی (پاک ترک نیوز) پاکستان سپر لیگ 8سے قبل کوئٹہ میں 5فروری کو کھیلے جانے والے نمائشی میچ میں ٹکٹوں کی فروخت کا آغازہوگیا ۔ شائقین کی تعداد بڑھانے کیلئے منتظمین نے میچ کی ٹکٹ محض 20روپے رکھی گئی ہے ۔
قومی کپتان بابراعظم، سابق ٹیسٹ کپتان سرفراز احمد، محمد نواز، نسیم شاہ، محمد حسنین ،افتخار احمد اور عمر اکمل جیسے کھلاڑی بھی ایکشن میں نظر آئیں گے۔میچ میں کسی غیر ملکی کرکٹر کی شرکت کا امکان نہیں ہے۔
تفصیلات کے مطابق یہ نمائشی میچ بگٹی سٹیڈیم میں کھیلا جائے گا 20روپے کا یہ ٹکٹ کوئٹہ کے چار مختلف مقامات پر فروخت کے لیے رکھے گئے ہیں جن میں بولان کرکٹ سٹیڈیم اور بگٹی کرکٹ سٹیڈیم بھی شامل ہیں۔
پی ایس ایل کی معروف فرنچائز کوئٹہ گلیڈی ایٹر اور پشاور زلمی کے درمیان کھیلے جانے والے اس نمائشی میچ میں ملک کے نامور کرکٹرز شرکت کریں گے جن میں شاہد خان آفریدی بھی شامل ہیں۔فاسٹ بولر شاہین شاہ آفریدی اپنی شادی کی تیاریوں کے سبب میچ میں شرکت نہیں کریں گے۔