قطر نے بھارتی بحریہ کے سابق افسروں کی سزائے موت میں کمی کر دی

دوحہ (پاک ترک نیوز) قطر نے بھارتی بحریہ کے سابق افسروں کی سزائے موت میں کمی کر دی۔
بھارت کی وزارت خارجہ نے کہا ہے کہ قطر کی ایک عدالت نے آٹھ سابق بھارتی بحریہ کے افسروں کی سزائے موت کو تبدیل کر دیا ہے۔
وزارت کے ایک بیان میں کہا گیا ہے کہ "سزا کم کر دی گئی ہے” لیکن یہ نہیں بتایا کہ انہیں کس نئی سزا کا سامنا کرنا پڑے گا۔نہ ہی قطر اور نہ ہی ہندوستان نے ان افراد کے خلاف مخصوص الزامات کا انکشاف کیا ہے۔
ایف ٹی اور رائٹرز نے ذرائع کے حوالے سے بتایا ہے کہ ان افراد پر اسرائیل کے لیے جاسوسی کا الزام عائد کیا گیا تھا۔
ہندوستان میں اسرائیل کے سفارت خانے کے ترجمان نے اس پر تبصرہ کرنے سے انکار کرتے ہوئے کہا کہ یہ "اسرائیل کا معاملہ نہیں ہے”۔