ریحام خان نے ٹک ٹاکر مرزا بلال بیگ سے تیسر ی شادی کرلی

لندن(پاک ترک نیوز) سابق وزیراعظم عمران خان کی سابقہ اہلیہ اور ٹی وی اینکر ریحام خان نے ٹک ٹاکر مرزا بلال بیگ سے تیسری شادی کرلی۔
ریحام بیگ کے تیسرے شوہر مرزا بلال بیگ امریکی شہر سیٹل میں رہائش پذیر ہیں۔مرزا بلال بیگ سوشل میڈیا پر اپنے تعارف میں خود کو ممیکری آرٹسٹ، طنز نگار، اداکار اور ماڈل بتاتے ہیں۔
ریحام خان نے شادی کی اطلاع ٹوئٹر پر دی ہے کہ وہ رشتہ ازدواج میں منسلک ہوگئی ہیں۔ ریحام خان نے اپنے آفیشل ٹوئٹر اکاؤنٹ پر ایک تصویر شیئر کی ہے جس پر لکھا ہے ’just married‘۔
ٹوئٹر صارفین ریحام خا ن کو شادی کی مبارک باد دے کر نیک تمناؤں کا اظہار کر رہے ہیں ۔
یاد رہے کہ ریحام خان کی پہلی شادی 2005 میں طلاق کے بعدختم ہو گئی تھی جس کے بعد جنوری 2015 میں انہوں نے عمران خان سے شادی کی تھی جو صرف 10 ماہ تک چل سکی اکتوبر میں انہوں نے عمران خان سے بھی علیحدگی اختیار کر لی تھی جس کے بعد یہ ریحام کی تیسری شادی ہے۔