روہت شرما نے بابراعظم کا اہم ریکارڈ اپنے قبضے میں کرلیا

لاہور(پاک ترک نیوز) بھارتی کپتان روہت شرما نے پاکستانی کپتان بابراعظم کا ٹی ٹونٹی انٹرنیشنل میں اہم ریکارڈ اپنے قبضے میں کرلیا ہے۔
ٹی20 ورلڈکپ کے دوسرے سیمی فائنل میں انگلینڈ کو شکست دیتے ہی بھارتی کپتان روہت شرما نے پاکستانی قائد بابراعظم سے ایک اور اعزاز چھین لیا، وہ ٹی20 انٹرنیشنل میں بطور کپتان 49 جیت کے ساتھ کامیاب ترین کیپٹن بن گئے۔روہت شرما نے مسلسل جیت کے تسلسل کو بھی 11 میچز تک بڑھادیا ہے۔
اس سے قبل روہت شرما نے آسٹریلیا کیخلاف میچ میں قومی ٹیم کے کپتان بابراعظم کے ٹی20 انٹرنیشنلز میں سب سے زیادہ رنز بنانے کے سنگ میل عبور کیا تھا۔
بھارتی کپتان روہت شرما 150 ٹی20 انٹرنیشنل اننگز میں 4 ہزار 222 رنز بنانے والے پہلے بلےباز ہیں جبکہ بابراعظم 116 اننگز میں 4 ہزار 145 رنز بناکر دوسرے نمبر پر موجود ہیں۔