روس کا شام میں فضائی حملہ ،34جنگجو ہلاک متعدد زخمی

ماسکو (پاک ترک نیوز) روس کی جانب سے شام میں فضائی حملے کے نتیجے میں 34جنگجو ہلاک جبکہ متعدد زخمی ہو گئے ۔
تفصیلات کے مطابق روسی نے فضائی حملوں نے شامی باغیوں کو نشانہ بنایا ہے ۔شام کے صوبہ ادلب میں روسی فضائی حملوں میں مبینہ طور پر 34 باغی جنگجو ہلاک اور 60 زخمی ہو گئے ہیں، جب کہ ملک کے آخری باغیوں کے گڑھ میں لڑائی جاری ہے۔
سرکاری خبر رساں ایجنسی انٹرفیکس کی ایک رپورٹ کے مطابق، ریئر ایڈمرل ویڈیم کلیت نے کہا کہ روس کی ایرو اسپیس فورسز نے ادلب میں "غیر قانونی مسلح گروہوں” کو نشانہ بنایا جو شامی حکومت کے ٹھکانوں پر توپ خانے کے حملے کے ذمہ دار تھے۔
روسی اہلکار نے بتایا کہ گزشتہ 24 گھنٹوں میں شامی حکومت کے فوجیوں کے ٹھکانوں پر سات بار حملہ کیا گیا۔
شامی فوج نے ادلب اور حلب صوبوں میں حکومت کے زیر قبضہ علاقوں پر حملوں کا الزام باغیوں پر عائد کیا ہے۔ شام نے باغیوں کے زیر کنٹرول شہری علاقوں پر اندھا دھند گولہ باری کی تردید کی ہے۔
دوسری جانب امریکہ نے بھی شام میں ایران کے حمایت یافتہ گروہوں پر بمباری کی ہے، روسی فوج نے واشنگٹن کو اپنی کارروائیوں میں ہم آہنگی کرنے میں ناکامی پر تنقید کا نشانہ بنایا ہے۔