سعودی عرب نے ایران میں اپنا نیا سفیر تعینات کر دیا
تہران(پاک ترک نیوز) سعودی عرب نے ایران میں اپنا نیا سفیر تعینات کر دیا۔
غیر ملکی خبر رساں ایجنسی کے مطابق سفارتی تعلقات کی بحالی کے بعد ایران کا اعلیٰ سطح کا وفد سعودی عرب پہنچ گیا اور ایران کے وزیر خزانہ احسان خاندوزی سعودی حکام سے ملاقاتیں کریں گے جبکہ ایران کا وفد اسلامی ترقیاتی بینک کے اجلاس میں بھی شرکت کرے گا۔
دوسری جانب ایرانی وزیر خارجہ حسین امیر عبد اللہیان نے کہا ہے کہ ایران میں سعودی عرب کا سفارت خانہ چند روز میں کھل جائے گا اور ایران بھی جلد سعودی عرب میں اپنا نیا سفیر تعینات کر دے گا۔
سعودی میڈیا کے مطابق سفارتی تعلقات کی بحالی کے بعد ایرانی حکام کا یہ پہلا دورہ ہے۔