ترکیہ ،میزائل فیکٹری میں دھماکے میں متعدد افراد زخمی

انقرہ(پاک ترک نیوز) ترکیہ کے دارالحکومت انقرہ کے قریب میزائل فیکٹری میں دھماکے سے متعدد افراد زخمی ہوگئے۔
دھماکے سے قریبی عمارتیں لرز گئیں اورشیشے ٹوٹ گئے۔میزائل بنانے والی فیکٹری میں اچانک دھماکا ہوا اور پورے علاقے میں دھوئیں کے بادل چھا گئے۔
جائے حادثہ پر فائر بریگیڈ اور امدادی ٹیمیں پہنچ گئی ہیں اور امدادی کارروائیاں جاری ہیں۔ فیکٹری کے قریبی گھروں کو خالی کروا لیا گیا ہے۔
دھماکے کی نوعیت کے بارے میں فی الحال کچھ کہنا مشکل ہے۔ متعدد لوگ فیکٹری کے تباہ ہونے والے حصے کے ملبے تلے دبے ہوئی ہیں جبکہ کئی افراد زخمی ہوئے ہیں۔