زلزلہ متاثرین کے لئے بحری جہازوں کو جز وقتی ہسپتال بنا دیا گیا

ہاتائے (پاک ترک نیوز)
ترکیہ میں6 فروری کے بڑے زلزلوں کے متاثرین کے لیے ہسپتال کی خدمات فراہم کرنے کے لیے ترک افواج بھی سرگرم عمل ہیں اور جنوبی صوبے ہاتائے کی بندرگاہ پر لنگر انداز بھاری ٹینک کے لینڈنگ بحری جہاز وںٹی سی جی بائیرکتار اور ٹی سی جی سانکتارنے جز وقتی ہسپتالوں کا روپ دھار لیا ہے۔
وزارت دفاع کی رپورٹ کے مطابق ہر جہاز میں ایک آپریٹنگ روم، 10 بستر اور 90 مریضوں کے مشاہدے کےکمرے ہوتے ہیں۔ اس کے علاوہ، ایک بستر ہے جہاں مریض کے لیے انتہائی نگہداشت کی سہولیات فراہم کی جا سکتی ہیں۔ٹی سی جی بائیرکتارپر 24 گھنٹوں کے اندر کل 280 مریضوں کو داخل کیا گیا۔ آٹھ مریضوں کی آرتھوپیڈک سرجری ہوئی جبکہ دو کو دوسرے ہسپتالوں میں ریفر کر دیا گیا۔ ان میں سے چھ کا علاج ابھی بھی جاری ہے۔
بورڈ پر موجود 145 افرادکا طبی عملہ مغلہ ٹریننگ اینڈ ریسرچ ہسپتال، مینتیز سٹیٹ ہسپتال اور مغلہ یاکولین پرائیویٹ ہسپتال کی ٹیموں پر مشتمل ہے۔ جس میں ایک جنرل سرجن، ایک اینستھیسیولوجسٹ اور ری اینیمیشن اسپیشلسٹ، ایک کارڈیو ویسکولر سرجن، ایک آرتھوپیڈک سپیشلسٹ، تین ایمرجنسی میڈیسن اسپیشلسٹ، دو پیڈیاٹریشنز اور بہت سے رضاکار اسسٹنٹ، میڈیکل اسٹوڈنٹس اور نرسیں شامل ہیں۔