سکندر رضا ایسے بولر ہیں جو راشد خان کی کمی کو پورا کر سکتے ہیں ،شاہین آفریدی

لاہور (پاک ترک نیوز) لاہور قلندرز کے کپتان شاہین آفریدی نے اہم کھلاڑیوں کی عدم موجودگی اور اتار چڑھاؤ والی فارم سمیت چیلنجز کا سامنا کرنے کے باوجود جاری پاکستان سپر لیگ (پی ایس ایل) میں اپنی ٹیم کی کارکردگی کے بارے میں پرامید ہے۔
قلندرز کے کپتان شاہین شاہ آفریدی کا کہنا ہے کہ سکندر رضا ایسے بولر ہیں جو راشد خان کی کمی کو پورا کر سکتے ہیں ۔
سٹار باؤلر راشد خان کی عدم موجودگی کی عکاسی کرتے ہوئے، شاہین نے ٹیم میں راشد کے اہم کردار کو تسلیم کیا، لیکن امید ظاہر کی کہ سکندر رضا کی شمولیت راشد کے جانے سے پیدا ہونے والے خلا کو پر کرنے میں سود مند ثابت ہوگی۔
شاہین نے کہا کہ راشد ہمارے اہم بولر تھے، درمیانی اوورز میں وکٹیں لینے میں اہم کردار ادا کرتے تھے۔ ان کی جگہ نہیں لی جا سکتی لیکن ہمیں ٹیم میں توازن برقرار رکھنے کی بھی ضرورت ہے۔ ہمیں امید ہے کہ سکندر کی آمد سود مند ثابت ہو گی۔
شاہین نے سکندر رضا اور نئے آنے والے سلمان فیاض کی صلاحیتوں پر روشنی ڈالی، خاص طور پر راشد کی غیر موجودگی میں ان کی صلاحیتوں کو آگے بڑھانے اور اچھی کارکردگی دکھانے پر اعتماد کا اظہار کیا۔
ان کا مزید کہنا تھا کہ میرے خیال میں سکندر ایسے بولر ہیں جو راشد کی کمی کو پورا کر سکتے ہیں اور پھر سلمان، جنہوں نے پی ایس ایل میں اپنا پہلا میچ کھیلا، مجھے یقین ہے کہ وہ آگے بڑھیں گے اور اچھی کارکردگی کا مظاہرہ کریں گے۔