سہیل خان کے یو ایس ماسٹر ٹی 10لیگ میں مسلسل چار گیندوں پر چار شکار

نیو یارک (پاک ترک نیوز) سہیل خان نے یو ایس ماسٹر ٹی 10لیگ میں نیویارک وارئرز کی جانب سے اٹلانٹا رائیڈرز چار گیندوں پر چار کھلاڑیوں کو پویلین بھیج دیا ۔
تفصیلات کے مطابق پاکستانی بائولر سہیل خان نے یو ایس ماسٹر ٹی 10لیگ میں نیو یارک وائررز کی جانب سے مسلسل چار گیندوں پر چار شکار کئے ۔وارئرز نے ٹاس جیت کر پہلے بائولنگ کا فیصلہ کیا ۔مقررہ دس اوورز میں اٹلانٹا رائیڈرز نے 6وکٹوں کے نقصان پر 103رنز بنائے ۔ قومی بائولر سہیل خان نے مسلسل چار گیندوں پر چار شکار کئے انہوں نے 2اوورز میں 15رنز دیئے ۔
اٹلانٹا کی جانب سے سمنز نے 41جبکہ روبن اتھاپا نے 32رنز بنائے ۔ نیو یارک واریئرز کی جانب سے سہیل خان نے 4جبکہ جیروم ٹیلر اور عمید آصف نے ایک ایک وکٹ حا صل کی۔
نیو یارک واریئرز نے مقررہ ہدف 4وکٹوں کے نقصان پر پورا کرلیا ۔ جوناتھن کارٹر نے 41،دلشان نے 24رنز بنائے۔ اٹلانٹا کی جانب سے ہرمیت سنگھ نے دو جبکہ سنی نے ایک کھلاڑی کو آئوٹ کیا ۔
سہیل خان کو بہترین کارکردگی پر میچ آف دی میچ کا ایوارڈ دیا گیا ۔