بنگلہ دیش اور سری لنکا کی ٹیمیں آج پاکستان پہنچیں گی

لاہور(پاک ترک نیوز) سری لنکا اور بنگلہ دیش کی ٹیمیں آج ایشیا کپ میں اپنے میچز کیلئے پاکستان پہنچیں گی۔بنگلہ دیش کے خلاف میچ کھیلنے کے لئے افغانستان کی ٹیم آج پریکٹس کرے گی۔
دونوں ممالک کی ٹیمیں چارٹرڈ فلائٹ سے کولمبو سے لاہور آئیں گی، گزشتہ روز بنگلہ دیش اور سری لنکا نے ایشیا کپ کا اپنا پہلا میچ کینڈی میں کھیلا تھا۔
سری لنکا نے اس میچ میں بنگلہ دیش کو شکست دی، افغانستان اور بنگلہدیش کے درمیان میچ 3 ستمبر کوکھیلا جائے گا۔