پنجاب بھر کے سکولوں میں گرمیوں کی تعطیلات کا آغاز 6جون سے ہوگا
لاہور(پاک ترک نیوز) پنجاب بھر کے سکولوں میں موسم گرما کی تعطیلات کا آغاز 6جون سے ہو گا ۔
تفصیلات کے مطابق محکمہ سکول ایجوکیشن نے موسمِ گرما کی تعطیلات کا اعلان کر دیا ہے۔ نوٹیفیکیشن کے مطابق پنجاب بھر کے سکولوں میں 6 جون سے 20 اگست تک تعطیلات ہوں گی۔
نئے تعلیمی سیشن کا آغاز اگست کے آخری ہفتے سے ہوگا جبکہ نیا نصاب موسم گرما کی تعطیلات کے بعد سرکاری سکولوں کے طلباء میں تقسیم کیا جائے گا۔
یاد رہے کہ سندھ کے تمام تعلیمی اداروں میں موسم گرما کی تعطیلات کا نوٹیفکیشن جاری کیا گیا تھا۔ سندھ بھر میں یکم جون سے 31 جولائی تک نجی وسرکاری تعلیمی اداروں میں تعطیلات ہوں گی۔