سڈنی ٹیسٹ : پاکستان ٹیم پہلی اننگز میں 313رنز بنا کر آئوٹ

سڈنی (پاک ترک نیوز) پاکستان اورآسٹریلیا کے درمیان جاری تین میچوں کی سیریز کے تیسرے اور آخری ٹیسٹ میں پاکستانی ٹیم 313رنز بنا کر آئوٹ ہو گئی ۔
تفصیلات کے مطابق آسٹریلیا کے شہر سڈنی میں جاری تیسرے ٹیسٹ میچ میں پاکستان نے ٹاس جیت کر پہلے بیٹنگ کا فیصلہ کیا ۔
پاکستان کے دونوں اوپنرز بغیر کوئی رن بنائے پویلین لوٹ گئے ۔عبداللہ شفیق صفر پر مچل سٹارک کا شکار بنے جبکہ ڈیبیو کرنیوالے صائم ایوب بھی بغیر کوئی رن بنائے جوش ہیزل ووڈ کے ہاتھوں آئوٹ ہوئے۔ تیسرے آئوٹ ہونیوالے بلے باز بابر اعظم جنہوں نے 26رنز سکور کئے ۔سعود شکیل بھی خاص کارکردگی کا مظاہرہ نہ کر سکے اور پانچ رنز بنا کر پویلین لوٹ گئے ۔پاکستان کی آدھی ٹیم 96رنز پر پویلین لوٹ گئی ۔کپتان شان مسعود اور محمد رضوان نے ٹیم کو سہارا دیا اور کپتان شان مسعود 35رنزبنا کر پیٹ کمنز کے ہاتھوں ایل بی ڈبلیو آئوٹ ہوگئے ۔محمد رضوان 88رنز کر آئوٹ ہوئے جبکہ آغا سلمان 53رنز کر پویلین لوٹ گئے ۔
عامر جمال نے اچھی بیٹنگ کا مظاہر کیا اور 82رنز بنائے ۔
یاد رہے کہ تین میچوں کی سیریز میں آسٹریلیا کو دو صفر کی فیصلہ کن برتری حاصل ہے ۔