#icu

لاہور(پاک ترک نیوز) قومی ویمنز کرکٹ ٹیم کی آل رائونڈر ندا ڈار کی والدہ علالت کے باعث انتقال کر گئیں۔ قومی ویمن ٹیم کی آل راؤنڈر ندا ڈار کی والدہ شدید علالت کے سبب گوجرانوالہ کے مقامی ہسپتال میں وینٹی لیٹر پر تھیں۔ آل راؤنڈر کی والدہ کے انتقال پر پی سی بی نے اظہار افسوس کیا ہے جبکہ چیئرمین مینجمنٹ کمیٹی نجم سیٹھی نے ندا ڈار کی والدہ کی وفات پر گہرے غم کا اظہار کرتے ہوئے ندا ڈار اور دیگر لواحقین سے تعزیت کی ہے۔

کراچی(پاک ترک نیوز) متحدہ قومی موومنٹ کے رہنما اور رکن سندھ اسمبلی کنور نوید جمیل برین ہیمبرج کا شکار ہو گئے ۔کنور نوید جمیل کو ہسپتال منتقل کردیا گیا جہاں ان کی حالت تشویشناک بتائی جا رہی ہے ۔ ترجمان ایم کیو ایم کا کہنا ہے کہ کنور نوید جمیل کو نجی ہسپتال کے آئی سی یو وارڈ میں داخل کروا دیا گیا ہے، عوام سے دعاؤں کی اپیل ہے۔ ترجمان کے مطابق ایم کیو ایم کے ڈپٹی کنوینر کنور نوید جمیل کو برین ہیمبرج ہوا ہے جس کے باعث ان کی حالت تشویشناک ہے۔