تحریک انصاف انٹرا پارٹی انتخابات کو چیلنج کریں گے: اکبر ایس بابر

اسلام آباد(پاک ترک نیوز) پاکستان تحریک انصاف کے بانی رہنما اکبر ایس بابر نے کہا ہے کہ پی ٹی آئی انٹرا پارٹی انتخابات کو الیکشن کمیشن میں چیلنج کریں گے۔
میڈیا سے گفتگو کرتے ان کا کہنا تھا کہ پاکستان تحریک انصاف انٹرا پارٹی انتخابات میں بے ضابطگی کے پیش نظر الیکشن کمیشن میں درخواست جمع کرائی جائے گی، آج ہفتے کو الیکشن کمیشن آفس بند ہوتا ہے لہٰذا آئندہ چند دنوں میں چیلنج کریں گے۔
اکبر ایس بابر نے دعویٰ کیا کہ ہائی کورٹ کے فیصلے کے بعد ہم پی ٹی آئی کا حصہ اور بانی رہنما ہیں۔
انہوں نے مزید کہا کہ آج شام کو انٹرا پارٹی انتخابات کے سلسلے میں اہم پریس کانفرنس کرنے جا رہا ہوں، قوم کے سامنے انٹرا پارٹی الیکشن میں ہونے والی بے ضابطگیاں رکھوں گا۔