آئی سی سی ورلڈ کپ ٹرافی ایفل ٹاور پہنچ گئی

پیرس (پاک ترک نیوز) آئی سی سی ورلڈ کپ 2023کی ٹرافی فرانس کےشہر پیرس میں ایفل ٹاور پہنچ گئی ۔
تفصیلات کےمطابق بھارت میں ہونیوالے ورلڈ کپ 2023کی ٹرافی ایفل ٹاور پہنچ گئی ۔اس سے قبل یہ ٹرافی بنگلہ دیش میں موجود تھی ۔
آئی سی سی کرکٹ ورلڈ کپ 5 اکتوبر سے بھارت میں کھیلا جائے گا، ایونٹ سے قبل روایتی ٹرافی ٹوور جون کے آخر میں شروع کردیا گیا تھا۔
دوسری جانب رواں برس بھارت میں ہونے والے کرکٹ ورلڈ کپ کی ٹرافی کا پاکستان ٹوور جولائی کے آخری اور اگست کے پہلے ہفتے میں طے تھا تاہم اسے ملتوی کردیا گیا۔
ابتدائی شیڈول کے مطابق اس ٹرافی کو 31 جولائی سے 4 اگست کے دوران پاکستان کا دورہ کرنا تھا لیکن یہ دورہ ملتوی کردیا گیا تھا۔
اب پی سی بی اور آئی سی سی مل کر نئے شیڈول پر کام کررہے ہیں جس کے مطابق ورلڈ کپ ٹرافی ایشیا کپ میں پاکستان لیگ کے دوران یہاں لائی جائے گی۔
پاکستان میں ایشیا کپ کے میچز 31 اگست سے 6 ستمبر کے درمیان کھیلے جائیں گے۔