کیوی سکواڈ پاکستان سے سیریز کیلئے لاہورپہنچ گیا

لاہور (پاک ترک نیوز ) نیوزی لینڈ کرکٹ ٹیم پانچ ٹی 20 اور پانچ ایک روزہ میچوں کی سیریز کیلئے لاہورپہنچ گئی ۔کیوی ٹیم کا ٹی 20 سکواڈ دبئی سے لاہور پہنچا جسے سخت سکیورٹی میں ہوٹل پہنچا دیا گیا ہے۔
مہمان ٹیم پاکستان کے خلاف 5 ٹی 20 میچز کی سیریزکھیلے گی ، پہلا ٹی 20 میچ 14 اپریل کو لاہور میں کھیلا جائے گا، دوسرا ٹی ٹوئنٹی 15 کو اور 17 اپریل کو تیسرا ٹی 20 بھی لاہور ہی میں کھیلا جائے گا، چوتھا اور پانچواں ٹی ٹوئنٹی 20 اور 24 اپریل کو راولپنڈی میں کھیلا جائے گا۔
اس کے بعد دونوں ٹیموں کے درمیان 5 ون ڈے میچز کی سیریز بھی کھیلی جائے گی، پہلا اور دوسرا ون ڈے 27 اور 29 اپریل کو راولپنڈی میں کھیلا جائے گا، تیسرا، چوتھا اور پانچواں ون ڈے بالترتیب 3، 5 اور 7 مئی کو کراچی میں کھیلا جائے گا۔
پاکستان کرکٹ ٹیم کے ہیڈ کوچ گرانٹ بریڈبرن بھی لاہور پہنچ گئے ہیں اور انہوں نے ہوٹل میں پاکستانی ٹیم کو جوائن کر لیا ہے، انہیں نیوزی لینڈ کے خلاف سیریز کے لئے ہیڈ کوچ مقرر کیا گیا ہے۔
یاد رہے کہ قومی ٹیم کے بیٹنگ کوچ ایڈریو پیوٹک نے گزشتہ روز ٹیم کو جوائن کر لیا تھا۔