قومی ٹیم کا نیوزی لینڈ کیخلاف سیریز کیلئے ٹریننگ کیمپ کا آغاز
لاہور(پاک ترک نیوز) قومی ٹیم کا نیوزی لینڈ کیخلاف سیریز کیلئے 4روز ٹریننگ کیمپ کا آغاز ہوگیا۔ کیمپ لاہورکے قذافی سٹیڈیم میں جاری ہے ۔
کھلاڑی 3 روز تک فلڈ لائٹس میں ٹریننگ کریں گے جبکہ 10 اپریل کو انٹرا سکواڈ پریکٹس میچ کھیلیں گے۔عبداللہ شفیق ،فہیم اشرف آج جبکہ فخرزمان 10 اپریل کو کیمپ میں رپورٹ کریں گے۔
افغانستان کے خلاف ہیڈ کوچ کی ذمہ داری نبھانے والے عبدالرحمان کیمپ کمانڈنٹ ہوں گے جبکہ عمر گل ان کی معاونت کریں گے۔
یاد رہے کہ نیوزی لینڈ کرکٹ ٹیم 10 اپریل کو لاہور پہنچے گی، پاکستان اور نیوزی لینڈ کے درمیان 5 میچز پر مشتمل ٹی 20 سیریز کا پہلا میچ 14 اپریل کو کھیلا جائے گا۔