خواتین کا چار ملکی فٹبال ٹورنامنٹ 11جنوری سے سعودی عرب میں ہوگا
ریاض (پاک ترک نیوز)
سعودی عرب اور پاکستان سمیت 4 ممالک کی خواتین ٹیموں کا برادرانہ فٹبال ٹورنامنٹ 11جنوری سے شروع ہوگا جس کے لیے سعودی فٹبال ایسوسی ایشن نے تیاریاں شروع کر دی ہیں۔
سعودی سرکاری میڈیا کے مطابق موریشوس اور جزائر قمر کی خواتین ٹیموں کی شرکت سے منعقد ہونے والا ٹورنامنٹ بدھ 11 جنوری کو الخبر میں شروع ہوگا۔
سعودی خواتین ٹیم کا پہلا میچ موریشس سے ہوگا، دوسرا میچ 15 جنوری کو جزائر قمر کے ساتھ جبکہ تیسرا میچ 19 جنوری کو پاکستانی خواتین ٹیم کے ساتھ ہوگا۔سعودی ٹیم کی جرمن کوچ مونیکا سٹیپ نے سعودی قومی ٹیم کے لیے 25 بہترین کھلاڑیوں کا انتخاب کیا ہے۔جبکہ سعودی قومی ٹیم نے ٹورنامنٹ کے لیے مشرقی ریجن میں تیاریوں کا آغاز کردیاہے ۔ اور کوچ نے تمام کھلاڑیوں کو ٹورنامنٹ کے لیے انتہائی موزوں قرار دیا ہے۔