عالمی بینک کی رواں برس ترکیہ کیلئے 3 فیصد شرح نمو کی پیش گوئی

استنبول(پاک ترک نیوز)
ورلڈ بینک نے 2024 کے لیے ترک معیشت کے لیےشرح نمو کا تخمینہ گزشتہ 3.1 فیصد سے کم کر کے 3 فیصد کر دیا ہے۔
11 جون کو جاری ہونے والی اپنی عالمی اقتصادی امکانات کی رپورٹ میں بینک نے 2025 کے لیے ترکیہ کی جی ڈی پی کی ترقی کی پیشن گوئی کو جنوری میں 3.3 فیصد سے کم کر کے 3 فیصد کر دیا ہے۔ البتہ بینک کو توقع ہے کہ 2026 میں ترکی کی معیشت 4.3 فیصد کی شرح سے پھیلے گی۔
عالمی بینک نے رپورٹ میں کہا ہے کہ 2024 تک معاشی سرگرمیاں لچکدار رہی ہیں۔ جس کی حمایت کم از کم اجرت میں نمایاں اضافے سے ہوئی ہے 2022 کے بعد سے پانچواں اضافہ مانیٹری پالیسی میں سختی کی نشاندہی کرتا ہے۔بنک نے مزید کہا کہ ترکیہ میں نمو 2024 میں معتدل رہنے کا امکان ہے کیونکہ مانیٹری پالیسی کی سختی سے معیشت کو فائدہ ہوتا ہے اور میکرو اکنامک کمزوریوں کو کم کرنے میں مدد ملتی ہے۔
بینک کے مطابق افراط زر مرکزی بینک کے ہدف سے اوپر رہے گا۔ 2025 میں اوسطاً صرف 29 فیصد تک کم ہو جائے گا۔بینک نے کہا کہ مالیاتی خسارہ بلند رہنے کی توقع ہے۔ جو جزوی طور پر فروری 2023 کے زلزلوں کے بعد بحالی اور تعمیر نو میں معاونت کے اخراجات کی عکاسی کرتا ہے۔
دریں اثناء عالمی بینک کے صدر اجے بنگا نے انقرہ میں صدر رجب طیب اردوان اور وزیر خزانہ مہمت شیمشک سے ملاقات کی۔کس کے بعد شیمشک نے ایکس پر لکھا کہ ہم نے مسٹر اجے بنگا کے ساتھ ایک نتیجہ خیز ملاقات کی۔ جہاں ہم نے 2024-2028 کے کنٹری پارٹنرشپ فریم ورک پر تبادلہ خیال کیا۔وزیر نے مزید کہا کہ انہوں نے ان اشتراکات پر تبادلہ خیال کیا جو توانائی کی تبدیلی، انفراسٹرکچر، سپورٹنگایس ایم ایز اور روزگار کے ساتھ ساتھ لچکدار شہروں جیسے شعبوں میں بھی تیار کیے جا سکتے ہیں۔
شیمشک نے نوٹ کیا کہ ورلڈ بینک میں فعال پورٹ فولیو سائز کے لحاظ سے ترکیہ دنیا میں دوسرے اور خطے میں پہلے نمبر پر ہے۔شمشیک نے کہا، "ہم اپنے پروگرام پر بھروسہ کرنے اور اس کی طرف سے ہمارے ملک کو فراہم کردہ تعاون کے لیے عالمی بینک کا شکریہ ادا کرتے ہیں۔”