پاک بحریہ کی کھلے سمندر میں بروقت کارروائی،6ماہی گیروں کو بچا لیا

کراچی (پاک ترک نیوز) ترجمان پاک بحریہ کاکہنا ہے کہ پاک بحریہ نے کھلے سمندر میں بروقت کارروائی کرتے ہوئے 6ماہی گیروں کو بچا لیا ۔
ترجمان پاک بحریہ کے مطابق پاک بحریہ کے جہاز کو سمندر میں پھنسی الزوبیر نامی کشتی کی طرف سے ہنگامی کال موصول ہوئی۔بروقت امدادی کاروائی کرتے ہوئے ماہی گیروں کی کشتی کو تلاش کیا اور فنی خرابی دور کی۔
ترجمان پاک بحریہ کا کہنا ہے کہ پاک بحریہ کی میڈیکل ٹیم نے کشتی میں پھنسے 6 ماہی گیروں کو طبی امداد بھی فراہم کی۔پاک بحریہ کا سرچ اینڈ ریسکیو آپریشن سمندر میں انسانی زندگی کے تحفظ کے عزم کا مظہر ہے۔