ٹرمپ نے یوکرین۔روس تنازؑہ ھل کرنے کا منصوبہ بنا لیا۔ برطانوی اخبار کا دعویٰ

لندن(پاک ترک نیوز)
سابق امریکی صدر ڈونلڈ ٹرمپ نے یوکرین۔روس تنازعے کو پرامن طریقے سے حل کرنے کے لیے ایک تفصیلی منصوبہ تیار کیا ہے۔ لیکن وہ اسے انتخابات تک ظاہر نہیں کریں گے
اس بات کا دعویٰ ایک برطانوی اخبار نے اپنی ہفتہ کے روز کی اشاعت میںسیاستدان کے قریبی ذرائع کے حوالے سے کیا ہے۔رپورٹ کے مطابق ذرائع نے کہا کہ ایک منصوبہ ہے۔ لیکن وہ کیبل نیوز نیٹ ورکس کے ساتھ اس پر بحث نہیں کرے گا کیونکہ اس کے بعد اس منصوبے کی افادیت پر حرف آ سکتا ہے۔ ذرائع کے مطابق اس کے بجائےٹرمپ امریکی ووٹروں کو جیتنے کی کوشش میں ایک سادہ پیغام پر توجہ مرکوز کریں گے کہ وہ جنگ کا خاتمہ کریں گے۔
اپریل کے آخر میں، ٹرمپ نے ایک انٹرویو میں کہا تھا کہ وہ یوکرین کو اس وقت تک امداد فراہم نہیں کریں گے جب تک کہیورپ اس میں شامل نہیں ہوتا۔
روس نے متعدد سطحوں پر یوکرین کے ارد گرد کی صورتحال کے حوالے سے اپنے موقف کا بار بار اظہار کیا ہے۔ اس سے قبل روسی وزارت خارجہ کی ترجمان ماریا زاخارووا نے نوٹ کیا کہ ماسکو بحران کے سفارتی حل کے لیے ہمیشہ کھلا رہا ہے اور رہے گا۔ اور وہ واقعی سنجیدہ تجاویز کا جواب دینے کے لیے تیار ہے۔ جب کہ کیف حکومت نے روس کے ساتھ مزید مذاکرات میں رکاوٹ ڈالی اور ممنوع قرار دیا۔