ترکیہ کی بلٹ ٹرین کے منصوبے پر کام شروع۔ٹیسٹ رن 2025میں ہوگا

استنبول (پاک ترک نیوز)
ترکیہ کی پہلی مقامی طور پر تیار کی جانے والی بلٹ ٹرین 2025 کی آخری سہ ماہی میں متحرک ٹریک ٹیسٹ شروع کرے گی۔ٹرائلز فیکٹری کے جامد ٹیسٹوں کی تکمیل کے بعد ہوں گے۔ جنکا آغازآئندہ سال کے وسط تک متوقع ہے۔
ٹرانسپورٹیشن اور انفراسٹرکچر کے وزیر عبدالقادر یورالو اولو نے اپنے بیان میں کہا ہے کہ تیز رفتار ٹرین 225 کلومیٹر فی گھنٹہ کی رفتار سے چلے گی۔ اور ٹرین کے ہر سیٹ میں آٹھ کاروں میں 584 مسافروں کی کل گنجائش ہوگی۔انہوں نے ریل گاڑیوں کی پیداوار میں ترکیہ کے خود کفیل ہونے کو اجاگر کرتے ہوئے کہا کہ ٹرین کے اس منصوبے پر ٹرکش ریلوے وہیکلز انڈسٹریز انکارپوریشن (توراسائی) کام کر رہا ہے۔ اور منصوبے کا تمام تر کام مکمل طور پر گھریلو وسائل کے ساتھ آگے بڑھ رہا ہے۔توقع ہے کہ ڈیزائن کا مرحلہ اس سال کی آخری سہ ماہی تک مکمل ہو جائے گا۔ جس کے بعد اسمبلی کا مرحلہ شروع ہو گا۔
وزیر ٹرانسپورٹ نے کہا کہ ٹرانسپورٹیشن اور انفراسٹرکچر میں ہماری سرمایہ کاری کا ثمر جاری ہے۔ ترکیہ اب ایک ایسے ملک کے طور پر ابھرا ہے جو ریلوے ٹیکنالوجی کو ڈیزائن اور تیار کرتا ہے۔ہم نے 27 مئی 2023 کو اپنے قومی الیکٹرک ٹرین سیٹ کے ساتھ مسافروں کی خدمات شروع کیں۔ اور اب ہم اپنی قومی تیز رفتار ٹرین کےمنصوبے پر آگے بڑھ رہے ہیں۔
عبدالقادر اولوکے مطابق، ٹرین سیٹ کو جدید ترین ٹیکنالوجی کے ساتھ ڈیزائن کیا جائے گا۔ٹرینوں میں مربوط گھوسٹ اسکرین ٹیکنالوجی کے اندر اور پارٹیشن والز، کانٹیکٹ لیس کوئیک چارجنگ اسٹیشنوں کے ساتھ فولڈ ایبل ٹیبل، آرام دہ چمڑے اور فیبرک سیٹ ڈیزائن، تھری ڈی گھوسٹ اسکرین ٹیکنالوجی کے ساتھ ایک بسٹرو ایریا، ایک بالواسطہ روشنی کا نظام، اور ایک کشادہ داخلہ ہوگا۔