ترکیہ نے اپنے مقامی اسٹیل ڈوم کو حتمی شکل دے دی

استنبول(پاک ترک نیوز)
ترکیہ نے اپنے چیلک کوبے اسٹیل ڈوم – فضائی دفاعی نظام کے لیے کلیدی منصوبوں کو حتمی شکل دی ہے۔ یہ ایک ایسا منصوبہ ہے جو ملک کی فضائی حدود کی حفاظت کو جدید، کثیر الجہتی دفاعی صلاحیتوں کے ساتھ آگے بڑھانے کے لیے ڈیزائن کیا گیا ہے۔
وزارت دفاع کی تازہ رپورٹ کے مطابق یہ فیصلہ دفاعی صنعت کی ایگزیکٹو کمیٹی (ایس ایس آئی کے) کے دوسرے اجلاس کے دوران کیا گیا۔ جس کی صدارت صدر رجب طیب اردوان نے گزشتہ ماہ کی تھی۔ اسٹیل ڈوم کا مقصد فضائی دفاعی اثاثوں کی ایک وسیع رینج کو مربوط کرنا، ایک حقیقی وقت کی آپریشنل تصویر بنانا اور مصنوعی ذہانت کی مدد سے مرکزی کنٹرول کو فعال کرنا ہے۔
اسٹیل ڈوم ایکمقامی منصوبہ ہے جسے اسیلسن نے روکیٹسن اور ترکیہ کے سرکاری تحقیقی ادارے کے اشتراک سے تیار کیا ہے۔ یہ موجودہ اور مستقبل کے سینسرز، مواصلاتی نیٹ ورکس، اور ہتھیاروں کو ایک نظام کے تحت جامع فضائی حدود کے تحفظ کے لیے اکٹھا کرتا ہے۔
اس منصوبے کا مقصد ایک متحد دفاعی نیٹ ورک قائم کرنا ہے جو ترکی کو ڈرونز اور میزائلوں جیسے ابھرتے ہوئے فضائی خطرات کے خلاف دفاع کرنے کے قابل ہو۔
ازمیر یونیورسٹی آف اکنامکس کے ایک ایسوسی ایٹ پروفیسر، Sıtkı Egeli کے مطابق، اسٹیل ڈوم مکمل طور پر نیا نہیں ہے بلکہ گزشتہ دہائی کے دوران تیار کیے گئے مختلف فضائی اور میزائل دفاعی نظاموں کو مربوط کرنے کی کوشش ہے۔
جیسا کہ تصور کیا گیا ہے۔ کورکٹ خود سے چلنے والی اینٹی ایئر کرافٹ گن اور سنگور میزائل جیسے مختصر فاصلے کے نظام گنبد کی اندرونی تہہ بنائیں گے۔ درمیانے فاصلے تک مار کرنے والے حصار A+ اور حصار آر ایف او میزائل درمیانی تہہ میں خطرات سےنمٹیں گے۔ جب کہ سب سے باہر کی تہہ طویل فاصلے تک مار کرنے والے سی پر میزائل پرمشتمل ہو گی جس کی رینج 100 کلومیٹر سے تجاوز کرنے کی توقع ہے۔ جبکہ راکستان سی پر میزائل کا ایک جدید ورژن تیار کر رہا ہے جو رینج کو 150 کلومیٹر تک بڑھا دے گا۔
ترکیہ اسیلسن کے تیار کردہ ریڈار اور مواصلاتی نظام کو اپنے اسٹیل ڈوم میں شامل کر رہا ہے، بشمول جن میں حرکس ایئر ڈیفنس کمانڈ اینڈ کنٹرول سسٹم اور بیہیموت پروگرام کے مرکز میں ریڈار نیٹ ورک۔ اجزاء کو فیصلہ سازوں کے لیے حقیقی وقت میں ہوا کی تصویر بنانے کے لیے ڈیزائن کیا گیا ہے۔مزید براں گوکبرک لیزر ویپن اور الکا ڈائریکٹ انرجی ویپن جیسے نان کائنٹک انٹرسیپٹرز بھی اسٹیل ڈوم میں شامل ہونے کے لیے تیار ہیں، لیکن ان ٹیکنالوجیز کو اب بھی ترقی کی ضرورت ہے۔